Lifestyle

عظمت کے سو سال — ”صد سالہ مہانائک“

عظمت کے سو سال — ”صد سالہ مہانائک“

ظفر علی خان

محکمہ اطلاعات و ثقافتی امور، حکومتِ مغربی بنگال

بنگالی سنیما اور بنگال کی ثقافتی زندگی میں مہانائک اتم کمار کی خدمات ناقابلِ پیمائش ہیں۔ ان کی پیدائش کی صد سالہ سالگرہ کے موقع پر ان کی فنکارانہ میراث کو نئی نسل تک پہنچانے کے مقصد سے محکمہ اطلاعات و ثقافتی امور، حکومتِ مغربی بنگال کی جانب سے 3 سے 6 ستمبر 2026 تک کولکاتا کے مختلف مقامات پر ”شوتوبرشے مہانائک“ کے عنوان سے چار روزہ تقریبات کا انعقاد کیا جا رہا ہے۔چار روزہ جشن کے دوران مہانائک اتم کمار کی غیر معمولی فنکارانہ شخصیت، سنیما کی میراث اور ان کے دیرپا اثرات کو خراجِ عقیدت پیش کیا جائے گا۔ اس موقع پر فلموں کی نمائش، مباحثے، نمائشیں، سیمینار، ثقافتی پروگرام اور موسیقی کے ذریعے خصوصی خراجِ تحسین پیش کیا جائے گا۔

3 ستمبر 2026 — ”مہانائک کی یاد میں“

تقریبات کا آغاز اہری ٹولہ اور ٹالی گنج میں مہانائک اتم کمار کے مجسموں پر گلہائے عقیدت پیش کرنے کے ساتھ ہوگا۔ بیزیلی سنیما کے سامنے مہانائک کا 20 فٹ بلند کٹ آو¿ٹ بھی نصب کیا جائے گا، جو بنگالی سنیما کی تاریخ کی اس عظیم شخصیت کو خراجِ عقیدت پیش کرے گا۔شام 6 بجے نندن کمپلیکس سے ایک خصوصی خراجی جلوس شروع ہوگا، جو اکیڈمی آف فائن آرٹس، سینٹ پال کیتھیڈرل اور برلا پلانیٹوریم سے ہوتا ہوا ایکتارا منچ تک پہنچے گا۔ معزز وزیرِ اعلیٰ کی موجودگی میں بنگالی سنیما اور ٹیلی ویڑن کی ممتاز شخصیات، فلم ناقدین، لوک فنکار اور ثقافتی سرپرست اس جلوس میں شرکت کریں گے۔یہ جلوس مہانائک کی یاد کو سنیما گھروں کی حدود سے نکال کر شہر کے قلب تک لے جائے گا اور کولکاتا کے عوام کو ان کی لازوال میراث سے مزید قریب کرے گا۔گگنیندر شلپ پردرش شالا میں ایک خصوصی یادگاری نمائش کا افتتاح بھی کیا جائے گا، جس میں اتم کمار کی زندگی اور فنی سفر کے معروف اور نسبتاً کم معروف پہلوو¿ں کو پیش کیا جائے گا۔ اسی دوران نندن IV میں مہانائک کو خراجِ تحسین پیش کرنے والی مطبوعات کی خصوصی نمائش منعقد ہوگی۔پہلے روز کی تقریبات کا اختتام ایکتارا منچ پر چراغاں، صد سالہ جشن کے خصوصی کیک کی کٹائی اور معزز وزیرِ اعلیٰ کے خطاب کے ساتھ ہوگا۔

4 ستمبر 2026 — ”میراث کا سفر جاری“

صد سالہ تقریبات کے دوسرے روز ایک اہم سنگِ میل کے طور پر نیو ٹاو¿ن میں اتم کمار فلم سینٹر کا سنگِ بنیاد معزز وزیرِ اعلیٰ کے ہاتھوں رکھا جائے گا۔اسی کے ساتھ نندن I، نندن II اور رادھا اسٹوڈیو میں خصوصی اتم کمار ریٹروسپیکٹو کا آغاز ہوگا۔ اس فلمی جائزے کا افتتاح ستیہ جیت رے کی شہر? آفاق فلم ”نائک“ سے ہوگا، جو اتم کمار کی فنکارانہ میراث سے گہری وابستگی رکھتی ہے۔رابندر سدن میں بزرگ اور تجربہ کار فنکاروں کے اعزاز میں ایک خصوصی تقریب منعقد ہوگی۔ پروگرام میں انڈیا پوسٹ کی جانب سے خصوصی یادگاری لفافہ اور ڈاک ٹکٹ کا اجرا، معروف اداکاروں اور اداکاراو¿ں کی خصوصی ”اڈا“ اور ”مہانائک: اے سپر اسٹار جرنی“ نامی دستاویزی فلم کی نمائش بھی شامل ہوگی۔

5 ستمبر 2026 — ”مختلف نگاہوں سے اداکار“

5 ستمبر کو شیشیر منچ میں دو خصوصی مباحثے ”نائیکاو¿ں کی نظر میں اتم کمار“ اور ”اداکار اتم کمار“ کے عنوان سے منعقد ہوں گے۔ان کے ہم عصر فنکاروں کے ساتھ ساتھ نئی نسل کے فنکاروں کے نقط? نظر سے ہونے والی ان گفتگوو¿ں میں اتم کمار کی اداکاری، فنکارانہ سفر، شخصیت اور بنگالی سنیما میں ان کی دیرپا خدمات کا جائزہ لیا جائے گا۔اسی دوران نندن کمپلیکس کے مختلف آڈیٹوریم میں اتم کمار کی یادگار فلموں کی نمائش بھی جاری رہے گی، جس سے ناظرین کو بڑے پردے پر ایک بار پھر مہانائک کو دیکھنے اور ان کے فن کو نئے سرے سے دریافت کرنے کا موقع ملے گا۔

6 ستمبر 2026 — ”موسیقی کے ذریعے خراجِ عقیدت“

چار روزہ جشن کا اختتام رابندر سدن میں ایک شاندار موسیقی اور رقص کی پیشکش ”اے میوزیکل ٹریبیوٹ ٹو اتم کمار“ کے ساتھ ہوگا۔دیب جوتی مشرا اور اندرادیپ داس گپتا کے تصور پر مبنی اس خصوصی پروگرام میں ممتاز فنکار شرکت کریں گے۔ اس پیشکش کے ذریعے نئی نسل کی تخلیقی صلاحیتوں اور عصری موسیقی کے اظہار کے ساتھ مہانائک اتم کمار کی لازوال میراث کو خراجِ عقیدت پیش کیا جائے گا۔

”شہر میں اتم کمار“:اتم کمار کی صد سالہ پیدائش کی تقریبات کو محض آڈیٹوریم تک محدود پروگراموں کے طور پر نہیں بلکہ پورے کولکاتا میں منائے جانے والے ایک عظیم ثقافتی جشن کے طور پر پیش کیا جا رہا ہے۔

شہر کے وسیع تر ثقافتی منظرنامے کو اس انداز میں سجایا جا رہا ہے کہ اتم کمار کی موجودگی اور ان کی یاد شہر کی روزمرہ زندگی کا حصہ بن جائے۔ کولکاتا کے مختلف علاقوں میں میٹرو اسٹیشنوں، ٹراموں، ہورڈنگز، چراغوں کے کھمبوں اور بس اسٹینڈز کو مہانائک کی تصاویر سے سجایا جا رہا ہے۔ایل ای ڈی وینز اور خصوصی جھانکیوں سمیت شہر گیر تشہیری مہم کے ذریعے ”شوتوبرشے مہانائک“ کی روح کو کولکاتا کے مختلف حصوں تک پہنچایا جائے گا۔اتم کمار کی جائے پیدائش، آبائی گھر، ان سے وابستہ یادگار مقامات اور فلم اسٹوڈیوز کو بھی اس خراجِ عقیدت کے تحت سجایا اور روشن کیا جا رہا ہے۔

نسلوں کے لیے ایک لازوال میراث:”شوتوبرشے مہانائک“ محض ایک یادگاری جشن نہیں ہے۔ یہ بنگالی سنیما کی تاریخ کے ایک نہایت شاندار باب—مہانائک اتم کمار کی زندگی، فن اور میراث—کو عقیدت اور محبت کے ساتھ دوبارہ یاد کرنے کی ایک اجتماعی ثقافتی کوشش ہے۔فلم، موسیقی، گفتگو، نمائشوں اور کولکاتا کے عوام کی شرکت کے ذریعے اس جشن کا مقصد صرف ایک عظیم فنکار کو یاد کرنا نہیں بلکہ ان کے لازوال فن کو آنے والی نسلوں تک پہنچانا بھی ہے۔

اتم کمار کے سو سال۔ایک ایسی میراث جو آج بھی زندہ ہے۔